“Ötən gün səhər saatlarında “Xəzər” televiziyasının çəkiliş qrupuna qarşı zor tətbiq edən, eləcə də televiziyaya məxsus avadanlığı yararsız vəziyyətə salan kənd sakini Elqan Bəşirov müəyyən edilərək saxlanılıb”.
NOCOMMENT.az xəbər verir ki, bu məlumat Daxili İşlər Nazirliyinin (DİN) Mətbuat Xidmətinin Şirvan regional qrupundan verilib.
Faktla bağlı Kürdəmir Rayon Polis Şöbəsinin İstintaq Bölməsində cinayət işi başlanıb, araşdırmalar aparılır.
10:04
“Aparıcı Lalə Azərtaşın çəkiliş qrupunun Kürdəmirdə hücuma məruz qalması ilə bağlı araşdırmalar aparılır”.
Bu məlumatı Daxili İşlər Nazirliyinin Mətbuat Xidmətinin Şirvan regional qrupunun baş inspektoru, polis kapitanı Nizam Həmidov Oxu.Az-a açıqlamasında verib.
“Kürdəmir Rayon Polis Şöbəsində müvafiq araşdırma aparılır. Araşdırmaların nəticəsi barədə əlavə məlumat veriləcək”, – deyə açıqlamada bildirilir.
Əzizə İsmayılova
28 dekabr, 01:12
Aparıcı Lalə Azərtaş çəkiliş üçün yollandığı Kürdəmirdə hücuma məruz qalıb.
Oxu.Az xəbər verir ki, aparıcı 15 yaşlı qızın ailə qurması xəbərini eşidərək, Kürdəmirə ailənin evinə yollanıb.
Çəkiliş zamanı Lalə Azərtaşa və Xəzər TV əməkdaşlarına balta ilə hücum edilib. Nəticədə, operatorun kamerası qırılıb.
