İsrail nümayəndələrinin Livanın cənubunda və Suriyada olması tərəflərin təhlükəsizliyinə xələl gətirmədən konstruktiv həllər tələb edir.
NOCOMMENT.az xəbər verir ki, bunu Rusiya Xarici İşlər Nazirliyinin rəhbəri Sergey Lavrov Qətərə səfərindən sonra keçirilən mətbuat konfransında deyib.
“İsrail nümayəndələri Livanın cənubunda qalmaq qərarına gəldiyi kimi, indi də İsrail Silahlı Qüvvələri Suriya Ərəb Respublikasının (SAR) cənubuna daxil olublar. Bütün bunlar sadəcə düşünməyi deyil, bəzi konstruktiv addımların işlənib hazırlanmasını tələb edən yeni situasiya yaradır”, – Rusiya Xarici İşlər Nazirliyinin rəhbəri bildirib.
Lavrov vurğulayıb ki, bütün bu yeni addımlar həm təhlükəsizlik maraqlarını, həm də bütün region ölkələrinin, o cümlədən İsrailin inkişaf maraqlarını nəzərə almalıdır.
