Rusiyanın xarici işlər naziri Sergey Lavrov bəyan edib ki, NATO Rusiya ərazisinə uzaqmənzilli raket zərbələri endirməkdə iştirak edir.
NOCOMMENT.az xəbər verir ki, o, bu barədə TASS-a müsahibəsində danışıb.
Lavrov vurğulayıb ki, Rusiyanı nədəsə ittiham edənlər ilk öncə güzgüdə özlərinə baxmalıdırlar.
“NATO əsgərləri və muzdluları Ukrayna Silahlı Qüvvələrinin tərəfində hərbi əməliyyatların planlaşdırılmasında və həyata keçirilməsində açıq şəkildə iştirak edirlər… Hətta bizim tərəfimizdən hansı eskalasiyadan danışmaq olar?” – diplomat vurğulayıb.
O, həmçinin qeyd edib ki, Qərbdən informasiya sızması daha aqressivləşib.
Bundan əlavə, Lavrov bəyan edib ki, Rusiya Ukraynadakı münaqişənin həlli ilə bağlı keçiriləcək “sülh sammitində” iştirak etmək niyyətində deyil.
