NOCOMMENT.az Heydər Əliyev Fondunun Vitse-prezidenti Leyla Əliyevanın Ermənisan-Azərbaycan sərhədində yerləşən Tovuz rayonu ərazisində gedən döyüşlərə, orada canlarından keçən şəhidlərimizə və onların ailə üzvlərinin acılarına həsr etdiyi şeiri təqdim edir.
Bombalar səs-səsə veriblər yenə,
Vətənin bağrından qan axır indi.
Düşmən gülləsinə tuş olan əsgər,
Yaran qəlbin qədər dərin, dərindi.
Ağlayır bir ata itirmiş uşaq,
Ağlayır göylərdə Günəş də bu gün.
Ellikcə savaşa hazırıq, Vətən,
O dərdli uşağın göz yaşı üçün.
Bir gün qayıdacaq yerinə hər şey,
Bir gün sevinəcək bu yurd, bu ocaq…
Ancaq o atanın isti qucağı
Bir də o uşağa açılmayacaq.
Elimiz qələbə sorağı gözlər:
Gözləri yoldadı, qulağı səsdə.
Analar əlini qoyub and içir
Oğul itkisinin ağrısı üstə.
Gün gələr, o zəfər xəbəri gələr,
Öpər igidlərin başdaşlarını.
Ata nisgilylə qovrulan uşaq
Dəfn elər gözündə göz yaşlarını.
Tərcümə edən: Salam Sarvan
