Belarus prezidenti Aleksandr Lukaşenko müharibəyə girmək istəmədiyini bildirib, lakin ölkədə “hər ehtimala qarşı” mümkün silahlı qarşıdurmaya hazırlıqların aparıldığını qeyd edib.
NOCOMMENT.az xəbər verir ki, bu barədə “Pul Pervoqo ” adlı Telegram kanalı məlumat yayıb.
Minsk vilayətinin Smoleviçi rayonuna işgüzar səfəri zamanı — taxıl yığımına nəzarət edərkən — Lukaşenko jurnalist xanımlara belə xəbərdarlıq edib: “Qızlar, hazır olun. Müharibə başlasa, heç olmasa gedib buğda biçəcəksiniz.”
Jurnalistlər sülhə ümid etdiklərini bildiriblər. Lukaşenko isə cavabında özü də sülhə ümid etdiyini, lakin ehtimal olunan hərbi hərəkətlərə hazırlığın vacibliyini vurğulayıb.
