Belarus prezidenti Aleksandr Lukaşenko Rusiya-Ukrayna münaqişəsinin 2024-cü ildə bitməyəcəyini bildirib.
NOCOMMENT.az xəbər verir ki, bu barədə BELTA məlumat yayıb.
Lukaşenko vurğulayıb ki, Ukrayna prezidenti Vladimir Zelenskinin münaqişənin 2025-ci ildə bitə biləcəyi ilə bağlı açıqlamaları ekspertlər baxımından “daha gülməli”dir.
Bir gün əvvəl Pentaqonun rəhbəri Lloyd Ostin Rusiya-Ukrayna münaqişəsinin həllinə diplomatik danışıqlar yolu ilə nail olunacağını bildirmişdi.
ABŞ müdafiə departamenti rəhbərinin sözlərinə görə, Vaşinqton hələ də Kiyevi dəstəkləməkdə davam edəcək.
Qeyd edək ki, oktyabrın 16-da Zelenski Ali Radada qələbə planının təqdimatı zamanı deyib ki, Kiyevin müttəfiqləri oradakı tələbləri dəstəkləsələr, münaqişə “gələn ildən gec olmayaraq” başa çatacaq.
