Kürdəmir rayonunda zəncirvari qəza baş verib.
NOCOMMENT-in xəbərinə görə, hadisə bu gün səhər saatlarında Bakı-Qazax yolunun rayonun Sığırlı kəndindən keçən hissəsində qeydə alınıb.
Belə ki, bir neçə yük və minik avtomobili, ümumilikdə 6 maşın bir-birinə çırpılaraq qəzaya düşüb. Nəticədə avtomobillərə ciddi ziyan dəyib, yaralılar var.
İlkin məlumata görə, qəzaya yolların buz bağlaması səbəb olub.
Faktla bağlı araşdırma aparılır.
