İfrat solçu “Fəth olunmamış Fransa” Partiyası Beşinci Respublikanın prezidenti Emmanuel Makrona qarşı impiçment prosedurunu başlamağa hazırdır.
NOCOMMENT.az xəbər verir ki, bu barədə BFMTV məlumat yayıb.
Telekanalın məlumatına görə, siyasi qüvvələr Fransa liderini demokratiyaya xəyanətdə və öz namizədini yeni baş nazir təyin etməkdən imtina etdiyinə görə institusional çevrilişdə ittiham ediblər.
“Fəth olunmamış Fransa” Makronu tutduğu vəzifədən məhrum etmək üçün bütün konstitusiya vasitələrindən istifadə etməklə hədələyir. Partiya qeyd edib ki, onlar prezidentin demokratiyanın əsas qaydasına məhəl qoymamaq cəhdinə göz yummaq niyyətində deyillər – hər şey xalqın səsi ilə müəyyən edilir”, – bəyanatda deyilir.
BFMTV-nin qeyd etdiyi kimi, “Fəth edilməmiş Fransa” parlament seçkilərində qalib gələn solçu qüvvələr blokunun bir hissəsidir. Kanal vurğulayır ki, buna baxmayaraq, Makron hökuməti idarə etmək üçün parlamentdə kifayət qədər dəstək qazana bilməyəcəyini nəzərə alaraq partiyanın baş nazirliyə namizədini dəstəkləmir.
“Dövlət başçısının qərarı demokratiyaya qarşı institusional çevriliş kimi səciyyələndirilə bilər”, – “Fəth edilməmiş Fransa” partiyası bildirib.
