Fransa prezidenti Emmanuel Makron Alyaskada Rusiya-ABŞ sammitindən sonra Vladimir Zelenski ilə görüşməyi planlaşdırır.
NOCOMMENT.az bildirir ki, bu barədə Yelisey Sarayına istinadən TF1 telekanalı məlumat yayıb.
Fransa liderinin ofisi bildirib ki, görüş “ən faydalı və təsirli olacağı anda, Alyaskadakı görüşdən sonra və qrafikdən asılı olaraq baş tutacaq”. Yelisey Sarayı əlavə edib ki, Makron və Zelenski “yaxın və daimi dialoq” aparırlar.
Rusiya və ABŞ prezidentləri Vladimir Putin və Donald Trampın görüşü avqustun 15-də Alyaska ştatının Ankoric şəhərində ABŞ Hərbi Hava Qüvvələri və Ordusunun Elmendorf-Riçardson birgə bazasında baş tutacaq. Dövlət başçısının köməkçisi Yuri Uşakovun sözlərinə görə, liderlər əsas diqqəti Ukrayna nizamlanmasının müzakirəsinə yönəldəcəklər. Onun sözlərinə görə, Putin və Tramp iqtisadi sahədə ikitərəfli əməkdaşlığı da müzakirə edəcəklər.
