Quba rayonunda ruhi xəstə olduğu bildirilən kişi çöldə ölü tapılıb.
NOCOMMENT report-a istinadən xəbər verir ki, hadisə Püstəqasım kəndində qeydə alınıb.
Belə ki, həmin kəndin sakini, 1983-cü il təvəllüdlü Zakir Cabir oğlu Hacəliyev ötən gün mal-qaranı evə gətirmək üçün çöllük əraziyə gedib və gecəni geri qayıtmayıb.
Narahat olan ailə üzvləri onu axtararkən çöldə ölmüş vəziyyətdə tapıblar.
Qeyd edək ki, Z.Hacəliyev ailəli idi, ruhi xəstəlikdən əziyyət çəkirdi.
Faktla bağlı araşdırma aparılır.
