Mars planeti müstəmləkələşdirildikdən sonra onun üzərində birbaşa demokratiya qurulmalıdır.
NOCOMMENT.az xəbər verir ki, bu barədə SpaceX və Tesla şirkətlərinin yaradıcısı, amerikalı milyarder İlon Mask “X” (keçmiş Twitter) sosial şəbəkəsindəki səhifəsində bildirib.
“Marslılar hansı hökumət formasının onlara uyğun olduğuna qərar verəcəklər. “Mən təmsilçi demokratiyanı deyil, birbaşa demokratiyanı tövsiyə edirəm”, – ddeyə o vurğulayıb.
Eyni zamanda, TASS-ın məlumatına görə, Mask vurğulayıb ki, “Starship” kosmik gəmisinin təxminən iki ildən sonra Marsa pilotsuz rejimdə göndərilməsi planlaşdırılır.
“İnsanlı kosmik gəmilər təxminən dörd ildən sonra oraya gedəcək”, – Mask əlavə edib.
