Twitter-in sahibi İlon Mask platformanın maliyyə vəziyyəti ilə bağlı açıqlama verib.
NOCOMMENT.az xəbər verir ki, açıqlamaya görə, Twitter hələ də qazandığından daha çox pul xərcləyir.
Mask öz Twitter hesabında reklam gəlirlərinin təxminən 50 faiz azalması və ağır borc yükü səbəbiylə şirkətin davam edən mənfi pul axını problemi olduğunu da açıqlayıb.
“Başqa bir şey etmək lüksümüzə sahib olmamışdan əvvəl müsbət pul axını əldə etməliyik”? – o deyib.
Bundan əlavə, bu ilin əvvəlində reklam xərclərinin əhəmiyyətli dərəcədə azaldığı və Twitter-in illik faiz üçün 1,5 milyard dollar ödəməli olduğu bildirilib. O, həmçinin Twitter-dən ayrılan bəzi reklamçıların platformaya qayıtdığını açıqlayıb.
Bu, şirkətin maliyyə çətinlikləri ilə üzləşdiyini və yeni CEO Linda Yaccarinonun reklam bazasını yenidən qurmaq layihəsinin çətin olduğunu göstərir.
