Narkotikdən istifadə edən miqrantlar gecikmədən Rusiyadan çıxarılmalıdır.
NOCOMMENT.az xəbər verir ki, bunu ölkə Təhlükəsizlik Şurasının sədr müavini Dmitri Medvedev miqrasiya qanunvericiliyinin təkmilləşdirilməsi ilə bağlı keçirilən iclasda çıxışı zamanı deyib.
O izah edib ki, görüş zamanı təcili diqqət tələb edən problemlər və həlli yolları müzakirə olunacaq, bunlardan biri də narkotikdən istifadə edən əcnəbilərlə bağlı vəziyyətdir.
“Ümumiyyətlə, burada yanaşma çox sadə olmalıdır – onlar dərhal qovulmalıdırlar”, – siyasətçi çağırıb.
Bundan əvvəl Medvedev bildirmişdi ki, Rusiyada miqrant ailələrindən yaranan etnik anklavlar ekstremizmin yuvasına çevrilə bilər. Onun sözlərinə görə, əcnəbi ailələrin Rusiyada uzun müddət qalması sosial sferada yük yaradır, bəzi hallarda isə millətlərarası münasibətlərdə gərginliyə səbəb olur.
