Bu gün Bakı Ağır Cinayətlər Məhkəməsində İmişli Rayon İcra Hakimiyyətinin (RİH) həbsdə olan sabiq başçısı Vilyam Hacıyevin cinayət işi üzrə məhkəmə iclasında sənədlərin tədqiqi mərhələsi davam etdirilib.
NOCOMMENT-in xəbərinə görə, hakim Azər Paşayevin sədrliyi ilə keçirilən prosesdə təqsirləndirilən şəxsin vəkili Elmar Kərimov vəsatətlə çıxış edib.
O, təkrar ekspertizanın keçirilməsini istəyib: “Bu, araşdırılmalıdır və mütəxəssislər məhkəməyə dəvət edilməlidir”.
Məhkəmə vəkilin vəsatətini təmin edib.
Məhkəmənin növbəti iclası iyulun 1-də baş tutacaq.