Meksika Prezidenti Klaudia Şeinbaum ABŞ-ın Venesuelaya müdaxiləsinə və bu ölkənin prezidentinin qaçırlmasına qarşı mövqeyini bir daha qəti şəkildə bəyan edib.
NOCOMMENT.az apa-ya istinadən xəbər verir ki, bu barədə “Reuters“ məlumat yayıb.
“Biz digər ölkələrin daxili işlərinə hər cür müdaxiləni qətiyyətlə rədd edirik”, – Şeinbaum bildirib.
Meksika Prezidenti vurğulayıb ki, ölkəsi suveren dövlətdir və ABŞ ilə narkotik qaçaqmalçılığına qarşı mübarizə və təhlükəsizlik sahəsində əməkdaşlığı davam etdirir. Bununla yanaşı, o qeyd edib ki, bu əməkdaşlıq Meksikanın xarici siyasət prinsiplərinə zidd olan addımları qəbul etməsi anlamına gəlmir.
