CHP sədri Kamal Kılıçdaroğlu Türkiyə Böyük Millət Məclisində partiyasının qrup toplantısındakı çıxışında “Bu salon, bu kürsü əslində mənim evimdir. Bu tribunada insanlarımızın onuru və qüruru haqqında, eyni zamanda xalqımızın taleyindən və demokratiyamızın taleyindən son dəfə danışıram. Ümid edirəm dostlarım, həqiqətən ümidliyəm. Bu gün zalımların taxtlarını yıxmağa çox yaxınıq.” dedi.
NOCOMMENT xəbər verir ki, CHP lideri Kamal Kılıçdaroğlu partiyasının qrup toplantısına qatılmaq üçün günorta saatlarında TBMM-ə gəlib. Burada partiyasının millət vəkilləri tərəfindən qarşılanan Kılıçdaroğlu TBMM-dəki ofisində partiyasının əvvəlki dövr liderləri Altan Öymen, Hikmət Çətin və Murat Karayalçın ilə görüşüb. Daha sonra qrup toplantısına gedən Kılıçdaroğlu, bu coğrafiyada hər kəsin sülh içində yaşamasını istədiyini ifadə edərək, “Ölkənin bolluq görməsini istəyirəm. Dostluğun qədim olmasını istəyirəm. Bir-birimizi tanımasaq da, istəyirəm ki, bir-birimizi ürəkdən salamlayaq. O zaman biz o gözəl, möhtəşəm Türkiyəni yenidən quracağıq. Buna əmin olmanızı istəyirəm” dedi.
