Bu gündən etibarən istehlakçıların istiliklə təmin edilməsinə başlanıb.
“Azəristiliktəchizat” ASC-dən NOCOMMENT-ə verilən məlumata görə, bütün qazanxanalar qış mövsümünə hazırdır və qrafik üzrə çalışacaq: “Bu məqsədlə daha 538 qazanxana və 87 istilik məntəqəsi işə qoşulub”.
Qeyd edək ki, istilik mövsümünün respublikanın dağ və dağətəyi rayonlarında noyabrın 1-dən, digər ərazilərdə, o cümlədən Bakı şəhərində noyabrın 15-dən başlanılır.
Xatırladaq ki, ölkənin dağlıq və dağətəyi əraziləri hesab edilən Şuşa, Şabran, Xaçmaz, Quba, Qusar və Lerikdə istiliyin verilməsinə iki həftə əvvəl başlanılıb. Bu məqsədlə 26 qazanxana və 1 istilik məntəqəsi işə qoşulub.