Ukrayna Silahlı Qüvvələri Kursk vilayətində döyüşlər aparmaq üçün ABŞ-dan peyk görüntüləri alıb. Amerika kəşfiyyatının nümayəndələri bu məlumatı təsdiq və ya təkzib etməsələr də, əlaqə saxladıqlarını bildiriblər.
NOCOMMENT.az xəbər verir ki, bu barədə NYT məlumat yayıb.
MKİ Ukrayna Silahlı Qüvvələrinin Kursk vilayətində əməliyyatını müzakirə etmək üçün Ukrayna ilə əlaqə saxlayır, kəşfiyyat xidmətinin direktor müavini Devid Koen C-Span tərəfindən yayımlanan kəşfiyyat və milli təhlükəsizlik konfransında bildirib.
“Onlar müdafiə strukturları qururlar və bizim müzakirələrimizə əsasən deyə bildiyimizə görə, onlar bu ərazini müəyyən müddətə saxlamaq niyyətindədirlər” deyən o, Kiyevin “Rusiya ərazisini ilhaq etmək” planının olmadığını qeyd edib.
Konfransın moderatoru iştirak edən kəşfiyyat nümayəndələrinə Kursk vilayətində əməliyyat fonunda Kiyevlə əməkdaşlığın səviyyəsi, xüsusən də peyk görüntülərinin ötürülməsi ilə bağlı sual verib. ABŞ Milli Yer Məkan-Kəşfiyyat Agentliyinin (NGA) direktoru vitse-admiral Frenk Uitvort bildirib ki, Birləşmiş Ştatlar beş il əvvəl Ukraynaya peyk şəkillərinin dövlət repozitoriyasına giriş imkanı verib və onlar hələ də ondan istifadə edə bilərlər.
