Məşhur hoteldə karantini pozub tədbir keçirdilər – DİN açıqlama verdi – VİDEO – Yenilənibbackend

Məşhur hoteldə karantini pozub tədbir keçirdilər – DİN açıqlama verdi – VİDEO – Yenilənib

  • whatsapp
  • messenger
  • telegram
  • vkontakte
  • odnoklassniki

Sosial şəbəkələrdə paytaxtın Səbail rayonunda yerləşən otellərdən birində xüsusi karantin rejiminin pozulması ilə bağlı yayılan görüntülər arşadırılıb.

DİN Mətbuat Xidmətindən NOCOMMENT.az -a verilən məlumata görə, tədbirin keçirildiyi gün polis əməkdaşları həmin ünvana yaxınlaşaraq orada keçirilən tədbirin konfrans xarakterli olması və sosial məsafə ilə bağlı tələblərə əməl edilməsi müəyyən edilib:

“Konfrans pandemiya şəraitində qanunla nəzərdə tutulan normalar çərçivəsində təşkil olunub, yalnız səhnədə çıxış edən şəxslər tibbi maskadan istifadə etməyiblər”.

*17:08

Azərbaycanda pandemiyaya qarşı mübarizə tədbirləri çərçivəsində tətbiq edilən karantin rejimində kütləvi tədbirlərin keçirilməsi qadağan olunsa da, Bakıda təxminən 100 nəfərlik təltifetmə mərasimi baş tutub.

NOCOMMENT xəbər verir ki, qafqazinfo-ya müraciət edən vətəndaş Pərvanə Məmmədova bildirib ki, fevralın 25-də Səbail rayonunda yerləşən “Park İnn” hotelində “Avand Production”ın rəhbəri Ayaz Məmmədovun təşkilatçılığı ilə stilist, kosmetoloq, vizajist, müğənni, həkim və sair peşənin nümayəndələri “Türkiyə Zirvə Ödülləri” mükafatları ilə təltif olunublar.

Tədbir zamanı səhnəyə dəvət olunan şəxslərin və zalda əyləşən bir neçə şəxsin maskadan istifadə etməməsi diqqət çəkib.

P.Məmmədova bildirib ki, karantin rejiminin pozulması ilə bağlı polisə məlumat veriblər: “Ərazi üzrə 39 saylı Polis Bölməsinin nümayəndələri məkana baş çəksələr də, tədbir bu formada davam edib. Bu hadisədən 4 gün sonra, martın 1-də həmin hoteldə bu dəfə “Caspian Events” şirkətinin rəhbərləri İlmirzə Ağabəyov və Tural Ələkbər “Luxury Society Baku” adlı mükafatlandırma mərasimi keçiriblər. Martın 13-də isə başqa bir hoteldə təşkilatçı Aqil Məmiyevin növbəti tədbiri keçiriləcək”.