“Koroğlu” metrostansiyası ətrafındakı ticarət köşkləri yığışdırılıb.
NOCOMMENT.az ölkə.az-a istinadən xəbər verir ki, bu barədə sosial şəbəkələrdə paylaşım edilib. Həmçinin qeyd edilib ki, köşklərlə yanaşı, qanunsuz ticarətin də qarşısı alınıb.
Köşklərin hansı səbəbdən yığışdırılması barədə isə məlumat verilməyib.
Mövzu ilə bağlı Nizami Rayon İcra Hakimiyyəti ilə əlaqə saxladıq. İcra Hakimiyyətindən saytımıza bildirildi ki, köşklərlə bağlı məsələ Bakı Şəhər İcra Hakimiyyətinin Ticarət Departamentinin səlahiyyətindədir.
Mövzu ilə bağlı BŞİH-ə də sorğu ünvanlanıb.
