“Microsoft” korporasiyası təhdidlərə operativ reaksiya vermək üçün hakerlərin məlumat bazasını toplamaq istəyini açıqlayıb.
NOCOMMENT.az xəbər verir ki, bu barədə şirkətin saytında məlumat verilir.
İT nəhəngi bu təşəbbüsü tərəfdaşı Crowdstrike ilə birlikdə irəli sürdü. Şirkət qeyd edib ki, “Hackingə ləng reaksiya verilməsinin əsas səbəblərindən biri təhlükə aktyorunun atributunu başa düşməməkdir”. Bununla əlaqədar olaraq korporasiya dünya üzrə tanınmış haker qruplarının daxil ediləcəyi və qeyd olunacağı məlumat bazası yaratmağa hazırlaşır.
Microsoft verilənlər bazası hökumətlər, təhlükəsizlik ekspertləri, müəssisələr və təhlükəsizlik təchizatçıları tərəfindən istifadə olunacaq. “Biz təhlükəsizlik mütəxəssislərinə məlumatı daha sürətli birləşdirməyə və daha inamlı qərarlar qəbul etməyə imkan verəcəyik” dedi şirkət.
Haker qrupları ehtimal olunan coğrafi mənsubiyyəti də daxil olmaqla bir neçə kateqoriyaya qruplaşdırılacaq. Belə ki, Rusiyadan olan qruplar “Blizzard”, Çindən olanlar isə “Tayfun” adı altında qruplaşdırılacaq. Müəyyən maliyyə vəsaiti olan qruplar “Tempest” kateqoriyası, kommersiya kibersilahları hazırlayanlar isə “Tsunami” adı altında qruplaşdırılacaq.
“Microsoft” və “Crowdstrike” artıq 130 qrupu müəyyənləşdirib verilənlər bazasına əlavə etdiklərini bildiriblər. Korporasiyalar digər şirkətləri layihələrinə qoşulmağa çağırıblar.
Mayın sonunda Microsoft bütün dünyada yüz minlərlə Windows kompüterini yoluxduran təhlükəli Lumma Stealer virusunu elan etdi.
