İranla əlaqəli haker qrupları ABŞ-da keçiriləcək prezident seçkilərinin nəticələrinə təsir etmək niyyətindədir.
NOCOMMENT.az xəbər verir ki, “Microsoft” korporasiyası müvafiq ittihamla çıxış edib; şirkətin rəsmi saytında hakerlərin fəaliyyəti ilə bağlı hesabat yerləşdirilib.
İddia olunur ki, bu qruplar amerikalıların fikrinə və nəticədə seçkinin nəticələrinə təsir etmək üçün seçki mövzularında tendensiyaları izləyir və sosial şəbəkələrdə mesajlar yayırlar. Hakerlər həmçinin seçki kampaniyalarının gedişi haqqında məlumat toplayırlar.
Microsoft, süni intellektin ABŞ vətəndaşları üçün vacib olan mövzularda mətnlər hazırladığı İran qrupları tərəfindən yaradılmış saxta internet saytları haqqında məlumat verdi. Bundan əlavə, hakerlər ABŞ-ın yüksək rütbəli məmurlarına onların onlayn fəaliyyətləri haqqında məlumatları oğurlamaq üçün sındırılmış elektron poçtlar vasitəsilə mesajlar göndərirlər. Onların naməlum “ABŞ prezidentliyinə keçmiş namizədin” poçtuna daxil olmağa çalışdıqları qeyd edilir.
Bundan əvvəl ABŞ iki Rusiya vətəndaşına, Cyber’s Army of Russia Reborn (CARR) haker qrupunun üzvləri Yuliya Pankratova və Denis Deqtyarenkoya qarşı sanksiyalar tətbiq edib . Onların ABŞ-ın kritik infrastrukturuna kiberhücumlarda iştirak etdikləri iddia edilir
