Milli Onkologiya Mərkəzi tərəfindən keçirilən tender müsabiqəsinin qalibi “Mühafizə-MN” MMC (VÖEN- 2002099911) olub.
NOCOMMENT.az yeniavaz.com-a istinadən xəbər verir ki, MMC 7 ay ərzində Milli Onkologiya Mərkəzinin korpuslarının mühafizəsini təşkil edəcək və bu xidmətin qarşılığında 269 min 850 manat alacaq.
Milli Onkologiya Mərkəzinin korpuslarının mühafizəsinə ümumilikdə 51 nəfər cəlb olunacaq ki, onlar da 13 xarici, 19 daxili mühafizə postunda xidmət göstərəcək. Açıqlanan məlumatlardan da göründüyü kimi, hər bir mühafizəçiyə düşəcək orta aylıq məbləğ 756 manat olacaq.
Qeyd edək ki, “Mühafizə-MN” MMC 2011-ci ildə dövlət qeydiyyatına alınıb. Nizamnamə kapitalı 20 manat olan MMC-nin qanuni təmsilçisi Atakişiyev Vidadi Atakişi oğludur.
