Misirin xarici işlər naziri Sameh Shoukry 10 ildən sonra ilk dəfə Türkiyəyə səfər edəcək.
NOCOMMENT xəbər verir ki, Türkiyənin Xarici işlər naziri Çavuşoğlunun bu gün həmkarı ilə ikitərəfli görüşü də planlaşdırılıb.
Misirin xarici işlər naziri Sameh Shoukrynin Kahramanmaraşda baş verən zəlzələlərdən sonra həmrəylik nümayiş etdirmək və başsağlığı vermək üçün bu gün Türkiyəyə səfər edəcəyi bildirilib.
Shoukrynin Misirdən bir yardım gəmisinin gələcəyi Adana və Mersin limanını ziyarət edəcəyi və xarici işlər naziri Mövlud Çavuşoğlu ilə ikitərəfli görüş keçirəcəyi gözlənilir.
Misir Xarici İşlər Nazirliyi də Türkiyə və Suriyaya səfərin məqsədinin zəlzələdən sonra iki ölkə və onların qardaş xalqları ilə həmrəylik nümayiş etdirmək olduğunu açıqlayıb.
