Moldova Dnestryanıya üç milyon kubmetr qaz ayıracaq.
NOCOMMENT.az xəbər verir ki, bunu Kişinyovda keçirdiyi brifinqdə respublikanın baş naziri Dorin Reçan bildirib.
“Bu gün biz Dnestryanı üçün 3 milyon kubmetr qaz tədarükünü təsdiq edəcəyik. Avropa İttifaqı sərfəli qiymətə qazın alınması və elektrik enerjisinin istehsalı üçün 30 milyon avro qrant ayırır”.
Baş nazir əlavə edib ki, respublika hökuməti Moldovanın enerji təhlükəsizliyinin gücləndirilməsinə yönəlmiş növbəti iki il üçün enerji davamlılığı planı hazırlayıb.
2025-ci il yanvarın 1-dən Ukrayna Rusiya Federasiyası ilə müvafiq müqavilənin müddətini uzatmaqdan imtina edərək, Rusiya qazının Avropa ölkələrinə tranzitini dayandırıb. Bundan ən çox təsirlənən tərəflərdən biri, yanacaq çatışmazlığı səbəbindən demək olar ki, bütün yerli müəssisələrin fəaliyyətini dayandırmaq məcburiyyətində qaldığı Dnestryanı idi.
