Rusiyanın xarici işlər naziri Sergey Lavrovun və Kreml rejiminin demokratiya və azadlıqdan dərs deməyə mənəvi haqqı yoxdur.
NOCOMMENT.az Qaynarinfo -ya istinadən xəbər verir ki,bu barədə Moldova Xarici İşlər Nazirliyi bəyanatında deyilir.
Nazirlik Rusiya xarici işlər nazirinin Kişinyovun Dnestryanı nizamlanma üzrə “5+2” danışıqlar formatında işlərin bərpasını pozmağa çalışması barədə bəyanatını belə şərh edib.
“Nazir Lavrov və Kreml rejiminin demokratiya və azadlıq haqqında mühazirə oxumağa mənəvi haqqı yoxdur”, deyə Moldova XİN qeyd edib.
Nazirlik vurğulayıb ki, Tiraspol Avropa İttifaqı ilə iqtisadi inteqrasiyanın üstünlüklərindən yararlanır. Bəyanatda qeyd edilir ki, Pridnestrovie mallarının 70% -dən çoxunu Avropa İttifaqı ölkələrinə ixrac edir.
“Moldova demokratik dövlətdir ki, onun üçün azadlıq və insan hüquqlarına hörmət əsas dəyərlərdir. Biz Avropa gələcəyini elə qururuq ki, dilindən və etnik mənsubiyyətindən asılı olmayaraq bütün vətəndaşlarımız sülh və firavanlıq şəraitində yaşasınlar”, deyə XİN-in bəyanatında qeyd edilir.
Bundan əvvəl Sergey Lavrov Türkiyənin Antalya şəhərindəki Diplomatik Forumda demişdi ki, Kişinyov hökuməti Moldovanı Ukrayna ilə eyni yola yönəldir. “Kişinyovda məskunlaşan rejim sadəcə olaraq Kiyev rejiminin izi ilə gedir” deyən Lavrovun sözlərinə görə, Moldovada rusca olan hər şeyi ləğv etməyə və bütün sahələrdə rus dilinə qarşı ayrı-seçkilik etməyə başlanılıb.
