Moskva ilə BMT arasında Rusiyanın kənd təsərrüfatı məhsullarının ixracının normallaşdırılmasına dair anlaşma memorandumunun həyata keçirilməsində irəliləyiş yoxdur.
NOCOMMENT Axar.az-a istinadla xəbər verir ki, bunu Rusiyanın Türkiyədəki səfiri Aleksey Yerxov deyib.
“Bu günə qədər 17 milyon ton Ukrayna taxılı ixrac edilib. Bəli, biz hələ də Ukrayna ərzaq alıcılarının üzləşdiyi çətinlikləri müşahidə edirik. Bizim məhsullarımızla bağlı vəziyyət də optimizm yaratmır. Rusiya ilə BMT arasında Rusiya kənd təsərrüfatı məhsullarının ixracının normallaşdırılmasına dair anlaşma memorandumunun icrasında irəliləyiş yoxdur”, – o bildirib.
Yerxov qeyd edib ki, Latviya, Estoniya və Belçika Rusiyanın kənd təsərrüfatı məhsullarını limanlarda saxlamağa davam edir:
“Rusiya istehsalçıları və tədarükçüləri bloklanmış bank ödənişləri, həddindən artıq yüksək sığorta tarifləri və limanlara girişin bağlanması ilə üzləşməkdə davam edir”.
