NOCOMMENT.az Rusiya mətbuatına istinadən xəbər verir ki, Rusiya hərbçiləri Zaporojye, Kupyanski, Krasnolimanski, Donetsk və Cənubi Donetsk istiqamətlərində Ukrayna Silahlı Qüvvələrinin hücum qruplarının yeddi hücumunu dəf edib. Bu barədə Rusiya Müdafiə Nazirliyi məlumat yayıb.
İdarənin xülasəsində göstərildiyi kimi, Zaporojye rayonunun Novoprokopovka kəndinin şimalında və Verbovoye kəndinin qərbində gedən döyüşlərdə üç hücum dəf edilib. Dördüncü hücum Xarkov vilayətində dəf edilib.
Kupyansk istiqamətində ordu aviasiyası və artilleriya atəşinin dəstəyi ilə “Qərb” qüvvələr qrupunun bölmələri, Xarkov vilayətinin Sinkovka yaşayış məntəqəsi ərazisindəki 14-cü mexanikləşdirilmiş briqadasının hücum qrupunun kənd ərazisindəki hücumunu dəf edib
