Rusiya Müdafiə Nazirliyinin Kadrlar üzrə Baş İdarəsinin keçmiş rəisi, general-leytenant Yuri Kuznetsovun vəkilləri onun hərbi əməliyyatlarda iştirak etdiyinə görə həbsdən azad edilməsini xahiş edirlər.
NOCOMMENT.az xəbər verir ki, bu barədə TASS məlumat yayıb.
“Kuznetsovun ölkə üçün əsl xidmətləri var. Onlar dövlət mükafatlarına layiq görülüblər”, – məlumatda deyilir.
Onun Suriyada hərbi əməliyyatlarda iştirak etdiyi, həmçinin Çernobıl AES-də baş vermiş qəzanın ləğvedicilərindən biri olduğu qeyd edilir.
Qeyd edək ki, Kuznetsov 2024-cü ilin mayında xüsusilə külli miqdarda rüşvət almaqda şübhəli bilinərək saxlanılıb. İbtidai istintaq müddətində təqsirləndirilən şəxslərin, onun qohumlarının və generalla əməkdaşlıq edən hüquqi şəxslərin bütün əmlaklarına qarşı təhlükəsizlik tədbirləri görülüb. Ötən ilin dekabrında Moskvanın 235-ci Qarnizon Hərbi Məhkəməsi Kuznetsovun həbs müddətini 2025-ci il aprelin 11-dək uzadıb.
