İranın Qərbi Azərbaycan əyalətinin Sərdeşt şəhərində mina partlayıb.
NOCOMMENT.az xəbər verir ki, bu barədə İranın rəsmi IRNA agentliyi məlumat yayıb.
Partlayış nəticəsində İran sərhəd komandanlığının zabiti həyatını itirib. Minanın İran-İraq müharibəsi dövründən qaldığı bildirilir.
İran və İraq arasında 22 sentyabr 1980-ci ildə başlayan müharibə 20 avqust 1988-ci ildə Birləşmiş Millətlər Təşkilatının Təhlükəsizlik Şurasının qətnaməsi ilə sona çatıb.
Müharibə illərində sərhədlərə qoyulan minalar hələ də hər iki ölkədə çoxlu sayda insan ölümünə və ya yaralanmasına səbəb olur.
modern.az