Türkiyə Böyük Millət Məclisinin (TBMM) sədri Mustafa Şentop Azərbaycana səfər edəcək.
NOCOMMENT.az xəbər verir ki, TBMM sədri Prezident İlham Əliyevin dəvəti ilə oktyabrın 18-20-si aralığında nümayəndə heyəti ilə birlikdə ölkəmizdə rəsmi səfərdə olacaq.
Şentopun səfəri oktyabrın 18-i – Azərbaycan Respublikasının Milli Müstəqillik günü başlayacaq. Oktyabrın 19-da TBMM sədri ölkə başçısı İlham Əliyev tərəfindən qəbul ediləcək.
Oktyabrın 20-də isə TBMM sədri Azərbaycan Milli Məclisində çıxış edəcək.