“Baku Electronics”in İnşaatçılar filialında müştəri məmnuniyyəti sahəsində çalışan Nərmin adlı işçinin xidmətindən narazılıq ifadə olunub.
NOCOMMENT.az 32gun.az-a istinadən xəbər verir ki, Lamiyə Camal adlı şəxs şikayətində bildirir ki, son iki ay ərzində işçinin davranışı və xidmət keyfiyyəti onun əsəblərini pozub.
Şikayətçi konkret olaraq son hadisəni qeyd edib: telefon servisdə olduğu üçün müraciət etmək istədiyi zaman işçinin onu poçta göndərdiyini, lakin poçtun telefonsuz ərizə qəbul etmədiyini bildirib. İşçi isə “təbii ki, telefonsuz mümkün deyil” deyərək şikayətçinin vaxtını səmərəsiz xərclədiyi vurğulanıb.
Lamiyə Camal həmçinin işçinin nahar fasilələrini öz istəyi ilə təyin etməsini və işçilərin bu zaman xidmət göstərməməsini də tənqid edib. Şikayətçi bütün bu halları səbəbi ilə mağazada məsul şəxslə əlaqə qura bilmədiyini və narazılığını ictimai şəkildə çatdırmaq məcburiyyətində qaldığını bildirib.
