Nadir müğənniləri yıxdı-sürüdü: Biri ər davası edir, o biri deyir mənim həcim, saxlayanım…backend

Nadir müğənniləri yıxdı-sürüdü: Biri ər davası edir, o biri deyir mənim həcim, saxlayanım…

  • whatsapp
  • messenger
  • telegram
  • vkontakte
  • odnoklassniki

Bir neçə gün öncə müğənni Əli Mirəliyevin efirdə şəxsi həyatı ilə bağlı bir sıra etiraflar edərək vaxtilə evli qadınla sevgili olduğunu deməsi böyük səs-küyə səbəb oldu.

Son vaxtlar bəzi müğənnilərin şəxsi həyatı ilə gündəmə gəlməsi sosial şəbəkələrdə müzakirə edilir. İstifadəçilər arasında şou-biznes əhlinin insanlara pis örnək olduqlarını iddia edənlər də az deyil.

NOCOMMENT xəbər verir ki, məsələ ilə bağlı yenisabah-a danışan müğənni Nadir Qafarzadə sənətçilərin efirdə şəxsi həyatları barədə danışmasının əleyhinə olduğunu qeyd edib: “Bilirsiniz, əgər bir insanın özü, ailəsi nümunəvidirsə, onun çıxıb efirdə bundan danışması normaldır. Bu, düzgün təbliğatdır. Bəzi tamaşaçılar deyir ki, müğənnilər neyləyir, nə tökürsə, camaat da onu öyrənir.

Birincisi, hər kəs öz ata-anasından nəyisə öyrənsin. Müğənniyə gələndə isə, əgər efirdə çıxıb danışırsa, qoy yaxşı şeylərdən danışsın. Əgər düzgün təbliğat aparıb söhbət edəcəksə, etsin”.

Sənətçinin fikrincə, gələcək nəslin tərbiyəsində mənfi rol oynaya biləcək söhbətlərin efirdə səsləndirilməsi düzgün deyil: “Mən düşünürəm ki, tamaşaçıya maraqlı olmayan, onu qıcıqlandıran və gənclərin tərbiyəsində mənfi rolu ola biləcək söz-söhbətlərin efirdə danışılması düzgün deyil. Bu şeylər ayıbdır. Biri çıxıb ər davası edir, o deyir sponsorum, bu deyir mənim həcim, ərciyim, saxlayanım…

Bunlar heç kəsə lazım deyil. Müğənnisənsə, çıx mahnını oxu. Səni kim saxlayır, kimin nəyisən, bu millətin nəyinə lazımdır axı?! Sən ifaçısan, çıx oxu, bitdi”.