Şimali Atlantika Alyansına üzv ölkələrin liderləri Ukraynadakı münaqişə ilə əlaqədar bütün ölkələri Rusiyaya heç bir hərbi yardım etməməyə çağırıblar.
NOCOMMENT.az xəbər verir ki, bu barədə NATO-nun Vaşinqtonda keçirilən sammitinin yekun bəyannaməsində bildirilir.
Sənəddə qeyd edilir ki, alyans Rusiyaya töhfə verən və bununla da Ukrayna münaqişəsini uzadan hər kəsi pisləyir.
Bundan əvvəl Şimali Atlantika Alyansının növbəti il ərzində Ukraynaya hərbi ehtiyaclar üçün ən azı 40 milyard dollar ayıracağı bildirilirdi.
İyulun 9-da Vaşinqtonda NATO-ya üzv ölkələrin toplantısı başlayıb. “Ukrayna və Transatlantik Təhlükəsizlik” mövzusunda keçirilən bu üç günlük tədbir alyansın 75-ci ildönümünə həsr olunub.
Sammitdə bloka üzv olan 32 ölkənin liderləri iştirak edir. Bu, İsveç üçün birinci, Finlandiya üçün ikinci sammitdir.
