NATO-nun baş katibi Mark Rütte ABŞ-ı Ukraynaya silah tədarükü məsələsində daha çevik davranmağa çağırıb.
NOCOMMENT.az xəbər verir ki, bu barədə Reuters agentliyi məlumat yayıb.
“Mən ABŞ-ın kollektiv müdafiə üçün lazımi ehtiyat səviyyəsini qorumaq istəyini tam başa düşürəm. Lakin hamımız ümid edirik ki, Ukraynanın ehtiyac duyduğu silahları alması üçün çeviklik göstəriləcək,” – deyə Rütte bildirib.
Qeyd olunur ki, ABŞ 2 iyul tarixində Ukraynaya Patriot tipli mühüm müdafiə sistemlərinin, zenit raketlərinin, yüksək dəqiqlikli döyüş sursatlarının və 155 mm-lik mərmilərin tədarükünü dayandırıb.
