KoronaVirus İnformasiya Portalı
Nazirin işdən qovduğu şəxs milyonluq tender uddubackend

Nazirin işdən qovduğu şəxs milyonluq tender uddu

  • whatsapp
  • messenger
  • telegram
  • vkontakte
  • odnoklassniki

Tərtər şəhər İcra Nümayəndiliyi yaşayış binalarının əsaslı təmir işlərinin və abadlaşdırma xidmətlərinin həyata keçirilməsi ilə bağlı tender elan edib.

NOCOMMENT yenisabah.az-a istinadən xəbər verir ki, tenderin qalibi “Star Construction-12” Qapalı Səhmdar Cəmiyyəti (QSC) olub. Müqaviləyə əsasən QSC 96 883.29 AZN-ə yaşayış binalarını təmir etməli, 73 8015.66 AZN-ə isə abadlaşdırma xidmətlərini həyata keçirməlidir.

İqtisadiyyat Naziriliyi yanında Dövlət Vergi Xidmətinin reyestr məlumatlarına əsasən “Star Construction-12” QSC 4 mart 2016-cı ildə dövlət qeydiyyatına alınıb. Nizamnamə kapitalı 2050 AZN olan QSC-nin hüquqi ünvanı Bakı şəhəri Binəqədi rayonu, Binəqədi şossesi, ev 53-də yerləşir. Şirkətin qanuni təmsilçisi isə Bayramov Mirsahib Atamalı oğludur.

Araşdırmalarımız nəticəsində bəlli olub ki, Mirsahib Bayramov Bakı Şəhəri üzrə Təhsil İdarəsində təchizat şöbəsinin rəisi olub. Lakin hazırda İqtisadiyyat naziri olan Mikayıl Cabbarov Təhsil naziri olanda Mirsahib Bayramovu işdən azad etmişdi. Medianın yazdığına görə, buna səbəb Mirsahib Bayramovun fəaliyyətində ciddi nöqsanların aşkarlanması olmuşdu. Yoxlamalar zamanı aydın olub ki, Mirsahib Bayramovun dövründə məktəblərin təchizatı bədbad vəziyyətdə olub.

Mirsahib Bayramov işdən çıxdıqdan sonra “Star Construction-12” QSC-də fəaliyyəyə başlayıb. Araşdırmalarımız zamanı o da məlum olub ki, QSC əvvəllər MMC kimi fəaliyyət göstərib. 2018-ci ildə isə “Star Construction-12” MMC ləğv edilərək eyni adlı QSC yaradılıb.

Sözügedən şirkət həm də Bakı Şəhər İcra Hakimiyyətinin tabeliyində fəaliyyət göstərən “Bakı şəhər Əsaslı Tikinti və Təmir” MMC-nin paytaxtda abadlıq və təmir-tikinti işlərinin həyata keçirilməsi ilə bağlı tenderlərin qalibi olub. Şirkət 2020-ci ilin 3 ayında “Bakı şəhər Əsaslı Tikinti və Təmir” MMC-dən ümumi dəyəri 22 569 688 manat olan dövlət sifarişi alıb.