Ukrayna Silahlı Qüvvələri ABŞ və Böyük Britaniyanın xəbəri əsasında Krasnodar diyarındakı “Russkaya” kompressor stansiyasına hücum edib.
NOCOMMENT.az xəbər verir ki, bu barədə Rusiyanın BMT-dəki daimi nümayəndəsi Vasili Nebenzya təşkilatın Təhlükəsizlik Şurasının iclasında bildirib.
“Bizim “Türk axını”nın infrastrukturuna hücumun Aİ-ni ABŞ-dan bahalı LNG-yə ilişdirməkdə maraqlı olan Vaşinqton və Londonun məsləhəti ilə həyata keçirildiyinə inanmaq üçün bütün əsaslarımız var”, – TASS Nebenzyadan sitat gətirir.
O xatırladıb ki, məhz bu iki ölkə “Şimal axını”na qarşı terror aktının təhqiqatının başlanmasına mane olur.
“Nəticələr, necə deyərlər, açıqdır”, – deyə o vurğulayıb.
Daimi nümayəndə qeyd edib ki, hücumdan bir qədər əvvəl Vladimir Zelenski Rusiya ilə təbii qazın Avropaya tranziti ilə bağlı müqaviləni uzatmaqdan imtina edib. Nebenzya vurğulayıb ki, Ukrayna prezidenti bütün gücü ilə Qərb müttəfiqlərinə “rejiminin hələ də mübarizə apara biləcəyini” sübut etməyə çalışır.
Qeyd edək ki, yanvarın 13-də Müdafiə Nazirliyi Ukraynanın “Türk axını” boru kəməri ilə qaz tədarükünü həyata keçirən Krasnodar vilayətindəki Qay-Kodzorda yerləşən “Russkaya” kompressor stansiyasının infrastrukturuna 9 təyyarə tipli pilotsuz uçuş aparatından istifadə edərək hücuma cəhd etdiyini açıqlayıb. P
