İqtisadi Zonaların İnkişafı Agentliyinin idarəçiliyində olan Neftçala Sənaye Məhəlləsində ötən ilin yanvar-sentyabr aylarında 30 milyon manata yaxın məhsul istehsal edilib.
NOCOMMENT.az “Azərtac”a istinadən xəbər verir ki, Balıq emalı zavodunda ay ərzində müxtəlif çeşiddə 120 tona yaxın balıq məhsulu istehsal olunur və bu məhsulların böyük hissəsi daxili bazarlara çıxarılır. 2025-ci ildən etibarən zavodda istehsal olunan balıq məhsullarının xarici ölkələrə, xüsusilə Avropa bazarına çıxarılmasını planlaşdırılır.
Qeyd edək ki, dövlət başçısının Sərəncamı ilə 2015-ci ildə yaradılan Neftçala Sənaye Məhəlləsinin əsas fəaliyyət istiqaməti balıqçılıq, balıq yemi, avtomobil istehsalı, eləcə də qida sənayesi məhsullarının istehsalı kimi müəyyənləşdirilib.
