Müharibə zamanı Ukrayna 2022-ci ilin aprelində “Moskva” kreyserini batıran “Neptun” gəmi əleyhinə qanadlı raketini əhəmiyyətli dərəcədə modernləşdirib.
NOCOMMENT.az xəbər verir ki, bu barədə Ukrayna Hərbi Dəniz Qüvvələrinin komandanı, vitse-admiral Aleksey Neyjpapa “Army Inform”a müsahibəsində danışıb.
“Biz qanadlı raketlər istehsal edən elit kluba daxil olduq. Biz “Moskva”nı batırdıqdan sonra Ukrayna Hərbi Dəniz Qüvvələri hətta bu klubda lider oldu”, – o deyib.
Donanma komandiri etiraf edib ki, o, “Neptun” raketlərinin qəbulu üzrə dövlət komissiyasına rəhbərlik edən şəxsdir, ona görə də raketin modernləşdirilməsi prosesi onun “gözünün qabağında” gedir. Onun sözlərinə görə, konstruktorlar raketin uçuş məsafəsini artırmaq və dəqiqliyini artırmaq üçün daim yeni modifikasiyalar təklif edirlər.
“Təəssüf ki, mən bütün sirləri və yeni performans xüsusiyyətlərini aça bilmərəm, çünki bu, düşmənin əlinə keçə bilər, amma sizi əmin edə bilərəm ki, 2022 və 2024-cü illərin “Neptunları” artıq fərqli raketlərdir”, – deyə o vurğulayıb.
