İsraildə həftələrdir on minlərlə insanın iştirak etdiyi Netanyahu hökumətinin mübahisəli məhkəmə tənzimləməsinə qarşı etirazlar davam edir.
NOCOMMENT.az xəbər verir ki, dünən İsrail mətbuatında çıxan xəbərlərdə Netanyahunun “etiraz” qorxusu ilə Təl-Əvivdə keçirilən konfransa qatılmadığı bildrilib.
Təl-Əviv, Qərbi Qüds, Hayfa, Netanya, Birüssebi və Rehovot kimi şəhərlərdə keçirilən nümayişlərə on minlərlə israilli qatılıb.
Otuz mindən çox etirazçı hər həftə olduğu kimi ən böyük nümayişə ev sahibliyi edən Təl-Əvivdə etiraz aksiyası keçirib.
“Haaretz” qəzetinin xəbərinə görə, nümayişçilərin etirazından qorxan Netanyahu, İsrailin Müstəqillik Günü səbəbiylə 23-26 aprel tarixlərində təşkil edilən konfransa qatılmaqdan vaz keçib.
NOCOMMENT.AZ