İsrailin baş naziri Benyamin Netanyahu Qəzza zolağına səfər edib və bu səfər zamanı yəhudi dövlətinin hərbçiləri ilə görüşüb.
NOCOMMENT.az xəbər verir ki, bu barədə yerli “The Jerusalem Post” qəzeti məlumat yayıb.
Materialda göstərilir ki, səfərdən sonra İsrailin baş naziri əsgərlərin “dayanmamaq” tələbini açıqlayıb. Onun sözlərinə görə, İsrail Müdafiə Qüvvələrinin (İDF) əsgərləri Fələstin anklavında əməliyyatı başa çatdırmaqda qərarlıdırlar.
“Mən Qəzza zolağından təzəcə qayıtdım, orada ehtiyatda olan hərbçilərin bir diviziyası ilə görüşdüm. Hamısı məndən bir şey istədi: dayana bilmərik, sona qədər getməliyik”, – baş nazir Knessetdəki “Likud” partiyasının iclasında çıxış edərkən deyib.
O əlavə edib ki, yaxın günlərdə yəhudi dövlətinin əsgərləri Qəzza zolağında döyüşləri “dərinləşdirməyə” başlayacaqlar. Bununla belə, Netanyahu bildirib ki, İsrail əsgərlərini “uzun” döyüşlər gözləyir.
