“Düşmənimizə şimal (cəbhə) ilə bağlı təkrar edirəm. Bizi sınamayın. Bu sizə baha başa gələcək. Bu səhvin sizin təsəvvür belə edə bilməyəcəyiniz bir nəticəsi olacaq”.
NOCOMMENT.az xəbər verir ki, bunu İsrailin Baş naziri Benyamin Netanyahu Qəzza və Livan sərhədindəki hadisələri dəyərləndirmək üçün keçirdiyi mətbuat konfransında Nəsrullahın açıqlamalarına cavab verərkən deyib.
“Biz bütün gücümüzlə davam edirik. Girovların azad edilməsini nəzərdə tutmayan müvəqqəti atəşkəsi rədd edirik”, – Baş nazir bildirib.
Netanyahu əlavə edib ki, İsrail Qəzzaya yanacağın daxil olması ilə yanaşı pul köçürməsinə də icazə vermir.
