İsrailin baş naziri Benyamin Netanyahu silahlı qüvvələr və təhlükəsizlik orqanlarının rəhbərliyi ilə görüş keçirib. Bu görüşdə Netanyahu xəbərdarlıq edib ki, yaxın gələcəkdə “Hizbullah” hərəkatı ilə genişmiqyaslı qarşıdurma qaçılmazdır.
NOCOMMENT.az apa-ya istinadən xəbər verir ki, bu barədə İsrail televiziyasının 13-cü kanalı məlumat yayıb.
Məlumata görə, yaxın bir neçə həftə və ya aylar ərzində “Hizbullah”la münaqişənin kəskinləşməsini gözləmək olar.
İclas iştirakçıları baş nazirin qiymətləndirməsi ilə razılaşıblar. Beləliklə, “Hizbullah”a qarşı əməliyyata başlamaq qərara alınıb.
