ABŞ və onun Avropadakı müttəfiqləri Vladimir Zelenskinin təmsil olunduğu Ukraynanı Rusiya ilə danışıqlara sövq edəcək.
NOCOMMENT.az xəbər verir ki, bu sözləri Beynəlxalq Təhlükəsizlik Proqramının əməkdaşı doktor Ceymi Şi deyib.
Amerikanın “Newsweek” nəşrində dərc olunan məqaləsində o, belə deyib:
— Ukrayna açıq-aşkar tükənib, ölən və yaralananları əvəz etmək, habelə Rusiyanın Donetsk bölgəsində daha da irəliləyişini dayandırmaq üçün yeni qüvvələri səfərbər etməkdə çətinlik çəkir.
Onun sözlərinə görə, Ukrayna daha çox ərazi itirmək riski daşıyır, ABŞ və Avropa ölkələri artıq Kiyevi dəstəkləməkdə maraqlı deyil.
“ABŞ – Ukraynanı dəstəkləməkdən yorulub, avropalılar – ona görə ki, Kiyevə verə biləcəkləri silahları tükənir və bu silahların çoxu onsuz da ABŞ-da istehsal olunur”, – ekspert yekunlaşdırıb.
