Nigerdə hakimiyyətdə olan hərbçilər ABŞ ilə hərbi müqaviləni pozublar.
NOCOMMENT.az xəbər verir ki, bu barədə Niger hərbi keçid hökumətinin rəsmi nümayəndəsi Amadu Abdraman bildirib.
Abdramanın sözlərinə görə, Nigerin hakim hərbi xuntası ABŞ ilə amerikalı hərbçilərin və mülki Pentaqonun əməkdaşlarının ölkədə qalmasına icazə verən hərbi razılaşmanı ləğv edib. Müqavilənin ləğvi dərhal qüvvəyə minir.
Qeyd edək ki, müvafiq müqavilə Pentaqonun amerikalı hərbçilərinə və mülki işçilərinə Afrika ölkəsinin ərazisində qalmağa icazə verir.
Qərar ABŞ dövlət katibinin Afrika məsələləri üzrə köməkçisi Molli Finin başçılıq etdiyi ABŞ rəsmilərindən ibarət nümayəndə heyətinin bu həftə Nigerə səfərindən sonra verilib. Nümayəndə heyətinə ABŞ-ın Afrika Komandanlığının rəhbəri general Maykl Lenqli də daxil idi.
Hərbi hökumət sözçüsü Amerika nümayəndə heyətinin diplomatik protokola əməl etmədiyini və Nigerə nümayəndə heyətinin tərkibi, gəliş tarixi və qarşıdan gələn gündəm barədə məlumat verilmədiyini bildirib.
