Ermənistanın Baş Naziri Nikol Paşinyana koronavirus diaqnozu qoyulub.
NOCOMMENT.az xəbər verir ki, bunu hökumət başçısı özünün “Facebook” səhifəsində canlı yayımda bildirib.
“İqamətgahdan işləyəcəyəm. Məndə rabitə üçün bütün şərait və vasitələr var. Nə qədər mümkün olarsa, o qədər də çalışacağam”, – baş nazir deyib.
Yoluxmanın yeri və zamanı məlum deyil. Qeyd edək, Baş Nazirlə bərabər ailəsi də infeksiyaya yoluxub. “İşgüzar müşavirədə yoluxduğumu düşünürəm. Bilirsiniz, belə müşavirələrdə su ilə stəkan qoyurlar. Mən fikir verdim ki, stəkanları əlcəksiz qoyublar. Yerindəcə danladım və stəkanları dəyişmələrini istədim”, – deyə Paşinyan əlavə edib.
