Nobel Komitəsi yeni Sülh Mükafatı laureatı haqqında məlumatın sızmasını casusluqla əlaqələndirib.
NOCOMMENT.az bildirir ki, bu barədə komitənin katibi Kristian Berq Harpviken VG qəzetinə müsahibəsində bildirib.
Onun sözlərinə görə, Nobel İnstitutu üçün casusluq yeni bir şey deyil. Harpviken qeyd edib ki, təşkilat davamlı olaraq belə hallarla qarşılaşır.
“Ola bilsin ki, bu halda kimsə məlumat oğurlaya bilib”, – Nobel Komitəsinin sözçüsü bildirib.
Oktyabrın 10-da Venesuelanın müxalifət lideri Maria Korina Maçado Nobel Sülh Mükafatı laureatı elan edilib. Financial Times daha sonra bildirdi ki, komitə seçkilərin nəticələrinin elan edilməsindən bir neçə saat əvvəl onun namizədliyi ilə bağlı onlayn mərclərin kəskin artmasından sonra məlumat sızmasından narahatdır.
