Almaniya kansleri Fridrix Merz İsrailin baş naziri Benyamin Netanyahu ilə bir neçə “sərt” telefon danışığı apararaq, onu Qəzza zolağında atəşkəslə bağlı razılığa gəlməyə çağırıb.
NOCOMMENT.az bildirir ki, bu barədə “The New York Times” (NYT) mənbələrə istinadən məlumat yayıb.
Merz, Netanyahudan daha çox ərzaq və tibbi ləvazimatların anklavlara avtomobil yolu ilə çatdırılmasına icazə verməsini tələb edir. Almaniya kansleri iyulun 28-də Böyük Britaniyanın baş naziri Key Starmerlə birgə telefon danışığı zamanı ABŞ prezidenti Donald Trampı İsrailin baş nazirinə təzyiq göstərməyə çağırıb.
Qəzet qeyd edir ki, Qəzzadakı ağır humanitar vəziyyət, Almaniya hökumətinin yəhudi dövlətinə qarşı sərt tədbirlər görmək üçün getdikcə daha çox təzyiqə məruz qalması ilə bağlı İsraillə müttəfiqlik münasibətlərini saxlayan Mersi “yöndəmsiz vəziyyətdə” qoyub.
Tramp Qəzza zolağında aclıq çəkən uşaqların görüntülərini gördükdən sonra Netanyahuya qarşı ritorikasını sərtləşdirməyə qərar verib. İyulun 18-də Almaniya kansleri İsrailin Qəzzadakı hərəkətlərini kəskin tənqid edib və anklavdakı vəziyyəti qəbuledilməz adlandırıb.
