Nyu Yorkun Kvins səmtində atışma nəticəsində azı 11 nəfər yaralanıb.
NOCOMMENT.az xəbər verir ki, bu barədə şəhər polisindəki mənbələrə istinadən New York Post (NYP) məlumat yayıb.
Qeyd olunur ki, yaralıların əksəriyyətinin yeniyetmələr olduğu ehtimal edilir. Atışma “Amazura” gecə klubunun yaxınlığında böyük bir qrup insan klubu tərk edərkən baş verib.
Zərərçəkənlər yerli xəstəxanalara, o cümlədən Long Island Yəhudi Xəstəxanasına və Koen Uşaq Tibb Mərkəzinə aparılıb. Qeyd olunur ki, atışma qurbanlarından heç birinin vəziyyəti ağır deyil.
Bundan əvvəl Polşanın şərqindəki Melnik kəndində sərxoş əsgərin ictimai yerdə atəş açdığı məlum olub . Qeyd olunur ki, cinayətkar qaçmaq istəyib, lakin o, hüquq-mühafizə orqanlarının əməkdaşları tərəfindən saxlanılıb.
