Türkiyənin Adana bölgəsində oğrular bir arıçının 700 bal pətəyini oğurlayaraq arılarını talayıb və 100 min lirə zərər vurublar.
NOCOMMENT xəbər verir ki, 30 ildir arıçılıqla məşğul olan Erdal Kurt çimmək üçün evə gedib. Fürsətdən istifadə edərək Kurtun evinə gedən oğrular arıların olduğu əraziyə gələrək, 700 bal pətəyi oğurlayıb, arıların bir qismini isə məhv ediblər. Arılarının olduğu əraziyə geri qayıdan Kurt oğurluq hadisəsini görərək vəziyyəti təhlükəsizlik qüvvələrinə çatdırıb.
